European Mathematical Olympiad 2026, Nordic-Baltic Physics Olympiad 2026 და Balkan Mathematical Olympiad 2026 -კომაროველთა საერთაშორისო აღიარება გრძელდება!

2026 წლის გაზაფხული განსაკუთრებულად  წარმატებულია  კომაროვის სკოლისთვის. მოსწავლეებმა საერთაშორისო მათემატიკისა და ფიზიკის ოლიმპიადებზე საქართველო ღირსეულად წარადგინეს და ჯამში 13 მედალი და 2 საპატიო სიგელი მოიპოვეს.

 ევროპის I მათემატიკური ოლიმპიადა - EMO 2026

ვილნიუსში გამართულ ევროპის I მათემატიკურ ოლიმპიადაზე (EMO 2026) ქართველმა მოსწავლეებმა 1 ოქროს, 3 ვერცხლის მედალი და 2 საპატიო სიგელი მოიპოვეს.

ოლიმპიადის გამარჯვებულები გახდნენ:

სანდრო ჟღენტი -კომაროვის სკოლა, ოქროს მედალი

მირზა შანიძე -კომაროვის სკოლა, ვერცხლის მედალი

გიორგი გუმბერიძე - კომაროვის სკოლა,ვერცხლის მედალი

ირაკლი შეროზია - კომაროვის სკოლა, ვერცხლის მედალი

ალექსანდრე კაცია -კომაროვის სკოლა, საპატიო სიგელი

რატი რატიანი -  აკადემიკოს ი.ვეკუას სახელობის ფიზიკა-მათემატიკის 42–ე საჯარო სკოლა, საპატიო სიგელი

გუნდის ლიდერი იყო გენადი მარგველაშვილი, თანალიდერი - ლუკა მაჭარაშვილი.

ტურნირი ორ ტურად ჩატარდა. მონაწილეებს 4.5 საათის განმავლობაში ალგებრის, გეომეტრიის, კომბინატორიკისა და რიცხვთა თეორიის ამოცანების ამოხსნა ევალებოდათ.

საქართველოს ნაკრებმა გუნდურად მე-5 ადგილი დაიკავა, რაც საერთაშორისო მასშტაბით მნიშვნელოვანი შედეგია. ოლიმპიადაში 21 ქვეყნის 23 გუნდი და 138  მოსწავლე მონაწილეობდა.

საქართველოს ნაკრების მონაწილეობა ორგანიზებული იყო სსიპ ანდრია რაზმაძის სახელობის ქუთაისის N41 ფიზიკა-მათემატიკის საჯარო სკოლისმიერ,საქართველოს განათლების, მეცნიერებისა და ახალგაზრდობის სამინისტროსა და ქუთაისის საერთაშორისო უნივერისტეტის მხარდაჭერით.

ნორდიკ-ბალტიური ფიზიკის ოლიმპიადა - NBPhO 2026

ტალინიში გამართულ ნორდიკ-ბალტიურ ფიზიკის ოლიმპიადაზე საქართველოს გუნდის ყველა წევრი კომაროვის სკოლის მოსწავლე იყო.

 პრიზიოორები გახდნენ:

ნიკოლოზ თავხელიძე -ვერცხლის მედალი

ცოტნე გიორგაძე -ვერცხლის მედალი

სანდრო ათანასოვი - ბრინჯაოს მედალი

ირაკლი მექვაბიშვილი - ბრინჯაოს მედალი

ლუკა მელაძე - საპატიო სიგელი

ოლიმპიადა გაიმართა Tallinn University of Technology-ის ბაზაზე და მასში ევროპის, აზიისა და სამხრეთ ამერიკის 13 ქვეყნის 150-მდე მოსწავლე მონაწილეობდა.

კონკურსი ორ ტურად ჩატარდა. თითოეული ტურის ხანგრძლივობა 5 საათს შეადგენდა, სადაც მონაწილეებს ფიზიკის რთული, რეალურ პროცესებზე დაფუძნებული ამოცანების ამოხსნა ევალებოდათ.

საქართველოს ნაკრების მონაწილეობა ორგანიზებული იყო კომაროვის სკოლის მიერ, საქართველოს განათლების, მეცნიერებისა და ახალგაზრდობის სამინისტროს მხარდაჭერით.

ბალკანეთის მათემატიკის 43-ე ოლიმპიადა

სალონიკიში გამართულ ბალკანეთის მათემატიკის 43-ე ოლიმპიადაზე ქართველმა მოსწავლეებმა 1 ვერცხლისა და 4 ბრინჯაოს მედალი მოიპოვეს.

აღანიშნავია, რომ საქართველოს გუნდი სრულად კომაროველებით დაკომპლექტდა და თითოეულმა მოსწავლემ საპრიზო ადგილზე დაიკავა.

მედლის მფლობელები გახდნენ:

გიორგი გუმბერიძე - ვერცხლის მედალი

სანდრო ჟღენტი - ბრინჯაოს მედალი

ალექსანდრე კაცია -ბრინჯაოს მედალი

თევდორე ონაშვილი - ბრინჯაოს მედალი

ირაკლი შეროზია - ბრინჯაოს მედალი

გუნდის ლიდერები იყვნენ კომაროვის სკოლის პედაგოგები -ივანე კობაიძე და ივანე კვიტაშვილი.

ბალკანეთის მათემატიკის ოლიმპიადაში წელს 24 ქვეყანა მონაწილეობდა.

კომაროვის სკოლა ულოცავს თითოეულ მოსწავლეს, პედაგოგსა და გუნდის ხელმძღვანელს ამ მნიშვნელოვან წარმატებას და უსურვებს მომავალშიც არაერთ საერთაშორისო გამარჯვებას.